25th May 2026 ke episode mein ‘Kyunki Rishton Ke Bhi Roop Badalte Hai’ ne drama ka level ekdum next level par pahucha diya hai. Show mein ab tak aapne dekha ki kaise Vikrant ne apni chalaki se poori baazi palat di hai. Kripa ki madad se Vikrant ne apne father, Sangram, ko Angad ke khilaf bhadka diya, aur result ye hua ki Sangram ne Angad ko arrest karne ki dhamki de di!
Vikrant ka ‘Sympathy Card’ aur Angad ka gussa
Kahani mein twist tab aaya jab Vikrant ke father, Sangram, factory mein dhamke ke saath entry lete hain aur Angad par apne bete ke saath mar-peet aur galat tarike se job se nikalne ka ilzaam lagate hain. Vikrant ne bade hi shatir dhang se ‘bechara’ ban kar sympathy gain ki, jabki Angad apne usoolon par adaa raha. Angad ka saaf kehna tha ki woh kisi bhi haal mein Vikrant jaise ‘irresponsible’ insan ko wapas kaam par nahi rakhega, chahe use jail hi kyun na jana pade!
- Angad ka stand: Woh Vikrant ko dubara company mein dekhne ko taiyar nahi hai.
- Vrinda ki majboori: Angad ko jail jane se bachane ke liye, Vrinda ne Vikrant ko wapas job par rakhne ka faisla kiya.
- Sangram ki dhamki: Sirf 24 ghante ka waqt diya gaya tha, jisne Vrinda ko pressure mein la diya.
Kya MD ki kursi bachegi?
Jab Angad ko pata chala ki Vrinda ne bina uski marzi ke Vikrant ko wapas cfo bana diya hai, toh dono ke beech kaafi garam-garam bahas hui. Angad ko lag raha hai ki Vrinda ne unki izzat mitti mein mila di hai aur company ke workers ab unka mazak bana rahe hain. Angad ka dard saaf dikh raha hai jab woh kehte hain ki ab unki koi value nahi bachi.
Vrinda ne toh sirf apne pati ko jail se bachane ke liye ye kadam uthaya tha, lekin Angad ise apne ego aur power par chot samajh rahe hain. Angad ne toh yahan tak keh diya ki shares milne ke baad Vrinda ke andar ego aa gaya hai!
Precap Alert: Angad ka bada action!
Episode ke end mein ek dhamakedar precap dikhaya gaya jahan Angad ne Vrinda ko MD ki post se nikal kar kisi aur ka naam suggest kar diya hai. Kya sach mein Bharti ab company ki nayi MD banne wali hain? Angad ka ye kadam kya poore Virani parivaar ko barbaad kar dega ya ye koi nayi saazish hai?
Aapko kya lagta hai, kya Angad ne Vrinda ko nikal kar sahi kiya? Ya phir Vrinda ki majboori ko samajhna chahiye tha? Apne thoughts humare comment section mein zaroor share karein!